Tilkynning

Hvað ertu að skoða þetta bull kíktu hér!!!!!!!!!!!!!

Bara að tjékka á dátlu!!!!!

Blogeddí bloggedí blog á þessum fjandans blogger crappi.

Tímabært hugarrek

Sestur ég er hér við tölvuskjáinn og er ljós hans sú birtan eina er mína ásýnd upp lýsir.
Finnst mér nú undanfarnar færslur heldur lítilfjörlegar samanborið við þann snilling sem ég gef mig út fyrir að vera. Því finnst mér löngu tími til kominn að setjast niður í myrkrinu og reika um mitt eigið höfuð og festa nokkur orð kirfilega niður um helst sem ekki neitt.
Svo, eftir að vér lögðum framhaldsnám á hilluna, í bili að minnsta kosti, höfum vér þurft að leika sem fullorðin væri í vinnu með karli föður vorum. Eigi vitum vér hvurs vegna vér minnumst á þetta hér og nú, því satt að segja erum vér of uppteknir af göldrum þeirrar tæknibyltingar sem heimilistölvan mun vera. Það er jú staðreynd, að vér brugðum okkur af bæ í svo mikið sem miðju orðsins “framhaldsnám” hér framar í texta þessum. Þar af leiðandi munum vér síður en svo hvert hug vorn reikaði. En burtséð frá því hefur hann hvergi nær staðar numið, einungis nýja stefnu tekið.
Svo virðist sem þröngvað blogg sem þetta drepi niður að einhverju leyti innblástur dagsins og þar af leiðandi fer mun meiri tími í að klóra oss í höfði voru fremur en að hamra fimlega á lyklaborð fartölvunnar. Enn ekki kemur að sök þegar um ekkert er bloggað því þá verður svo að andleysi vort verður að andanum og umræðuefni verður til, hversu leiðingjarnt sem það nú er. Á hinn bóginn var það ekki það sem vér vildum sagt hafa heldur vildum vér aðeins ræða um tilgang lífsins sjálfs. Það er að segja tilgang lífs vors sjálfs, bifreiðar. Jah, og jafnvel eitthvað víðara spjall. Nú erum vér svo heppnir ungir menn að vér eigum þeirra kosta völ að fá að eyða allveg hreint gríðarlegum tíma með karli föður vorum. Bæði í leik og starfi. Því vér erum jú að elta föður vorn á röndum daginn inn og daginn út. Oss finnst það einstaklega hjartnæmt og skemmtilegt að fá að læra um lífið og veginn á þennan hátt, hitta alla þessa karla sem faðir vor umgengst og hefur kynnst á sinni viðburðaríku ævi. Sem dæmi má nefna að í dag fengum við oss tesnæðing í konditorí nokkru er Kornið er nefnt, staðsett í Borgartúni. Þar hittum vér fyrir mann á nafni Ólafur, faðir Egils Ólafssonar nokkurs söngvara hljómsveitar Íslands. Hafði maður þessi aldeilis sögunum frá að segja og flestar innihéldu þá frásagnir af kynmökum og limastærðum löngu dauðra eða deyjandi manna. En hversu skemmtilegt sem oss þótti þá höfum vér alltaf átt erfitt með að horfa beint á fólk sem við oss ræðir, jafnvel þótt fleiri við borðið sitji og samtalið sé allt annað en bara að oss beint. Því sátum vér þversum við borðsins enda og störðum á hringtorg nokkurt er fyrir utan liggur. Fylgdumst með fyrrnefndum tilgangi lífsins líða hjá jafnt sem og fara sér heldur hraðar en hraði líðandi stundar. Um bifreiðaflota þjóðarinnar fórum vér að leiða hugann til. Það var ekki lengra síðan en í gær að vér heyrðum í viðtækinu að Reykjavík er orðin jafn þéttsetin sem og hefðbundnar bílaborgir í hinum bandalagssvörnu ríkjum Ameríku. Ekki munum vér tölurnar svo gjörla, enda hafa tölur aldrei verið vor sterka hlið, en engu að síður þá mun satt vera sem fyrr segir um bílaeign frónbúa. Ekki ætlum vér að segja neitt sérstaklega okkar álit á máli þessu nema þá helst að vér vonum að einhvern tíma nái íslendingar stoltir fyrstir allra þjóða að ná einum 1000 einkabílum á hverja 1000 íbúa og þar með útrýma þessum bésvítans almenningssamgöngum. Og þó, kannski meiga öngvitar (og tökum vér nú smá Halldór hér) og fáráðlingar þessa lands enn eiga sína strætisvagna. En þá eingöngu ætlaða þeim og í sérstökum fyrirfram áætluðum ferðum einu sinni í viku. Þessi eina bifreið sem notuð verður á höfuðborgarsvæðinu verður þá að sjálfsögðu merkt með hefðbundnum Óla Prik í hjáolastól á bláum bakgrunni. Þannig eyðum vér þessum óþarfa gulu helvítum með öllu af götunum okkar. Í beinu framhaldi viljum vér beina því til lesenda að taka ekki mark á akreinum sem merktar hafa verið BUS. Þetta hefur öngvan rétt á sér á voru mati.
EN yfir í allt aðra sálma. Gaman frá því að segja að þar sem vér sátum í kondítoríinu og hlýddum á sögur liðinna tíma sáum vér asskoti flottan Porsche Carrera af eldri gerð taka ansi hressilega á því og bókstaflega þjóta yfir sjóndeildarhring. Fátt vitum vér fallegra en íðilfagran sportbíl sem þenur sig á rigningunni og flýgur burt. Sérstaklega ef vegurinn er eilítið ójafn og maður sér virkilega hversu stíf fjöðrunin er og hve sterkan og mikinn karakter bifreiðin hefur. Pjúra akstursbíll sem gerir bifreið og ökumann að einu.
Svo að nokkru skemmtilegri bifreið sem vér sáum skjóta fyrir, Maserati 3200 GT. Eða svo skjótum vér á eftir eilitla netrannsókn. Ekki er það á degi hverjum sem slíkir eðalvagnar renna fyrir augu manns nema að eigi maður einn slíkan. Jah, eða vinni í sölu eða jafnvel verksmiðjunum. En þetta er nú bara augljós vitleysa sem engan veginn á við um oss klakaörverpin. En samt sem áður, gaman höfum vér af fögrum bifreiðum og gleður vort auga ef það verður nógu heppið að lenda á slíkum kostagripum. Munum vér rétt þá var það fyrirtæki að nafni Istraktor sem var í forsvari og þjónustu við Maserati á Íslandinu góða.

Tímabært þá að flytja sig á nýjar slóðir og hætta þérunar ruglinu. Eða hvað?
Jú. Er það bara ég eða er það algengt að við íslendingar skynjum íbúa annarra landa ekki sem einstaklinga. Eins og til dæmis var ég að spá í þessu í gær, og komst að þeirri niðurstöðu að mér finnst alltaf eins og Kína og Japan og jah, kannski bara öll Asía. Sé barasta heimsins stærsta maurabú. Jafnvel að Bandaríkin séu líka einhvern veginn þannig. Æh, ég veit ekki þetta er allt eitthvað mjög óskýrt hjá mér. Mér finnst maður ekkert skynja einstakling hverrar þjóðar fyrr en maður kemur til landsins í heimsókn. Og jafnvel ekki þá. Er það vegna þess að íslendingar eru ekki jafn samheldnir og þéttir sín á milli líkt og aðrar þjóðir. Þrátt fyrir að Ísland sé bókstaflega einn smábær þar sem allir þekkja alla. Eða er þetta kannski bara einhver hroki mér? Ég veit það ekki.

Bíll dagsins

Shelby Cobra Gt 500 árgerð 2006
Þegar gamli og nýji tíminn mætast maður, indislegt.

Lag dagsins

Afternoon delight – Starland Vocal Band
Frekar gott 70´s lag um miðdegiskynmök

H-skóli?

Hó hó krakkar mínir. Nú er það svart. Sjaldan er öll vitleysan eins, en nú hef ég gjört aftur nokkuð sem áður gjört ég hef. H-skóla göngu minni er því hér með lokið.
Ég er 21 vetra gamall og framtíð mín er óráðin en öll framundan. Já og nú er maður einhvern veginn bara sleginn út af laginu svo jamm. Ég veit ekki meir, hvað um að hafa þetta bara stutt í dag?

Bíll dagsins

Þetta er Chevy, meira veit ég ekki.

Lag dagsins

Telephone line – ELO (Electric Light Orchestra ef þér vissuð eigi)
Þökk sé Hreini Bernharðssyni

Fréttaskot

Tímadráp

Hver finnur ekki fyrir blóðþorstanum og þörfinni fyrir að myrða eitthvað. Ég fór á veiðar í gær og ég veiddi hvorki meira né minna en allnokkrar klukkustundir á þessari frábæru síðu. Hér er allt sem þarf til þess að drepa tímann á netinu. Ég bara verð að deila þessu með ykkur og ef blogger er ekki með eitthvað kjaftæði þá verður kominn linkur undir Ýmislegt hér hægra megin.

Nýjung

Fyrir þá sem muna eftir öllum bílum dagsins þá var tekinn fyrir stuttu Toyota Aygo. Hann á víst ekki að fara í almenna framleiðsu fyrr en í mars á næsta ári. Hins vegar eru staðfestar heimildir frá sjálfum mér fyrir því að heil tvö stykki eru lent á klakanum. Verð mun vera frá 1.250.000 kr. eða svo. Þeir sem eru að leita sér að sniðugum innanbæjarbíl sem þar að auki er helvíti skemmtilegur, þá er Aygo málið.

Bíll dagsins

2005 Hennessey SRT-10 Viper Venom 1000 Coupe. Ég held að tölurnar tali fyrir sjálfa sig.

Lag dagsins

Aggressivealpine megamix - Ekki Guðmund.
Nei þetta er lag úr leiknum Aggressive Alpine Skiing á Smashingames.com.
Rugl tónlist.

Good Ol´ boys

Ekki er öll vitleyan eins og mismunandi eru ástæðurnar fyrir atferli sem undir vitleysu flokkast. Vildi það svo til að athyglissýkin heltók menn um helgina, því var haldið á rúntinn. Magnús blæddi farkosti og var lagt var í hann svona útlítandi.

Gaman frá því að segja að gekk nú á ýsmu til þess að komast á þennan rúnt. Eftir rúmlega einn hring bilaði bara hálfsmíðaði Terranó. Ég veit ég má ekki segja frá því en fólk á rétt á að vita þetta. Festingin fyrir kúðlingspedalinn brotnaði bara. Hahaha hvílík snilld og merki um gæðasmíði Nissan. Hahahahahaha. Jamm og jæja. En það er ekki fyrir því að fara að Magnús er með eindæmum úrræðagóður ungur maður. Á rétt rúmum hálftíma var búið að redda þessu og aftur lagt af stað í bæinn.

Auk þess sem Maggi drap fugl með bílnum sínum.

Bíll dagsins

Shelby Cobra 427 S/C árgerð 1966

Lag dagsins

Good Ol´ boys – Waylon Jennings
Einnig þekkt sem Theme from Dukes of Hazzard.

Getur það verið...

... að það sé illkvittni í mér að hugsa sem ég hugsa um ákveðin málefni? Ég er að meina svona áróður í sambandi við mengun frá bílum. Til dæmis bíllausidagurinn í Reykjavík. Þann dag fer ég alltaf í ógeðslega langan bíltúr og ég reyni að keyra sem mest þann dag. Mér finnst að einfaldlega skylda mín. Samt er það þannig að mér finnst hálfasnalegt að keyra út í búð ef maður er ekki að kaupa neitt meira heldur en kannski rétt í morgunmatinn eða, já, bara þú veist svona eitthvað smávegis. Samt ekki misskilja mig, ég er ekki að segja að mér finnist það almennt séð asnalegt. Ég er meira að tala svona um fólk eins og mig sem býr ekki það langt frá búðinni. Þá er ég að tala um þessa týpísku þrjá kílómetra sem kannanir sýna að séu meðallengd óþarfra bílferða íslendinga. Samt sem áður ef einhver segir mér að spara bílinn til þess að draga úr mengun á finnst mér ég skyldugur til að fara á bílnum.
Svo er að líka þarna þessar auglýsingar sem eru í gangi núna undir slagorðinu: Hvar pústar þú út? Eftir að þessi áróður gegn bifreiðum í lausagangi þá hef ég staðið mig við að skilja bílinn eftir í gangi mun oftar en áður. Mér finnst þetta bara eitthvað svo persónulegt gagnvart mér. Er ég ekki bara eitthvað skrýtinn í þessu sambandi?
Þetta er svona rauður takki sem stendur á ekki ýta á þennan takka og ég verð bara ýta á hann.

Blogger Smogger

Aldrei þessu vant þá er það ekki mér að kenna hversu langt hefur liðið á milli færslna. Nei það er þessi helvítis Blogger sem hrundi bara. Og svona til þess að svekkja ykkur þá vill ég bara segja að ég var kominn með algera tímamótafærslu sem tapaðist vegna lélegheita hjá Blogger.com. Ég var svoleiðis kominn framúr sjálfum mér með kímleik og orðsnilli. En nei, nú verður það barasta aldrei birt.

Heimsmálin

Nú er barasta verið að fara að rétta yfir Saddam kallinum. Ég verð að segja að hversu mikil rotta og ógeð hann var og er þá á hann séns á að klifra upp virðingarstigann í höfði mér. Já, það getur hann. Ef hann bara tekur afleiðingum gjörða sinna eins og maður og játar á sig allar sakir sem hann er augljóslega sekur fyrir. Ég meina, hvað ætlar hann annars að segja? Já, þarna sjítarnir sem voru drepnir í massavís eftir morðtilraun við mig, ég kom ekkert nálægt því. Rannsókn á morðunum? Voru þetta einhver morð, mér hefur nú aldrei líkað vel við þessa sjítamúslima. Hmmm, þessir sem voru líflátnir fyrir að umgangast sjíta? Nei ég kom ekki nálægt því. Þeir hljóta að hafa gert eitthvað alvarlegt af sér. Ég get ekki fylgst með öllu sem löggan gerir.
Svo hvort sem sönnunargögn séu næg eður ei þá er þetta eitthvað sem alþjóð veit að hann sé sekur fyrir þótt ekki sé hægt að sanna það. Þannig að hann er nú búinn að taka flestu eins og maður, af hverju að hætta núna? Hann veit upp á sig sökina og því er það hans vænsti kostur að játa. Reyndar, hvernig sem fer verður hann varla líflátinn. Ekki er það “mannúðlega” aðferðin.

Bíll dagsins

Heldur sér frá færslunni sem tapaðist og já jafnvel bara tími á copy/paste.
Í fyrri færslu dagsins, sem tapaðist þá var bíll dagsins 1000 hestafla Dodge Viper. En þá fattaði ég að í dag eru 30 ár liðin frá því að Citröen hætti að framleiða Ds bílana. Bíll dagsins er því hinn sögufrægi Citröen DS árgerð 1964 - 1975. Bíll þessi er merkilegur fyrir þær sakir að hann var með glussafjöðrun. Það þýðir að hann leggst allveg niður í malbik þegar drepið er á honum og rýs upp þegar hann er settur í gang. Auk þess þarf ekki tjakk til að skipta um dekk ef springur. Svo gjörbreytti hann líka bílaiðnaðinum. Þetta er fyrsti bíllinn með vökvastýri, fyrsti bíllinn með framdrifi og eitthvað fleira sem ég man ekki. Ljósin beygðu fyrir horn og svona. Alla vega þá var þessi bíll ein stærsta tæknibylting ársins 1964.

Lag dagsins

Heldur sér hins vegar ekki frá fyrri fæsrslu.
The gods made heavy metal – Manowar
Og mér finnst nauðsynlegt að textinn fylgi með. Og hvet fólk eindregið til að lesa hann því hann er eins og beint frá mínu hjarta.

The gods made heavy metal

In the beginning there was silenceand darkness, all across the earth.
Then came the wind, and a hole in the sky.
Thunder and lightning keep crushing down,
hit the earth and split the ground,
fire burning high in the sky.

From down below, fire melted the stone,
the ground shook, and started to pound.

The gods made heavy metal,
and they saw that it was good.
They said to play it louder than hell,
we promised that we would.
When loosers say its over with,
you know that its a lie.
The gods made heavy metal,
and its never gonna die.

We are the true believers,
its our turn to show the world,
in the fire of heavy metal,
we were burnt.
It's more than our religion,
it's the only way to live,
but the enemies of metal,
we can't forgive.

Cause',
We believe in the power and the might,
and the gods who made metal, are with us tonight.

The gods made heavy metal,
and they saw that it was good.
They said to play it louder than hell,
we promised that we would.
When losers say its over with,
you know that its a lie.
The gods made heavy metal,
and its never... gonna die.

We believe in the power and the might,
and the gods who made metal, are with us tonight.

We're here tonight for heavy metal,
are you ready in the hall?
They have chosen us,
and we have heard the call.
Go and tell rumor with our sound,
crack walls and shake the ground.
Fight tonight for metal,one and all.

(cause)
we believe in the power and the might,
and the gods who made metal, are with us tonight.

The gods made heavy metal,
and they saw that it was good.
They said to play it louder than hell,
we promised that we would.
When loosers say its over with,
you know that its a lie.
The gods made heavy metal,
and its never gonna die.

The gods made heavy metal,
and they saw that it was good.
They said to play it louder than hell,
we promised that we would.
When loosers say its over with,
you know that its a lie.
The gods made heavy metal,
and its never gonna die.

The gods made heavy metal,
and they saw that it was good.
They said to play it louder than hell,
we promised that we would.
When loosers say its over with,
you know that its a lie.
The gods made heavy metal,
and its never gonna,
never gonna die.